UEFA-nın Fair-Play və Sosial Məsuliyyət Komitəsindən məktub daxil olub. Oxu.Az xəbər verir ki, "Report"un məlumatına görə, komitənin sədri Peter Gillieronun imzaladığı məktubun əsli “Kəpəz” klubuna, surəti isə AFFA-ya ünvanlanıb. Məktubda Azərbaycan Premyer Liqasının XI turun Gəncə şəhər stadionunda keçirilmiş “Kəpəz” – “Qarabağ” oyununda meydan sahibi komandanın üzvü Viktor Oseqeylin nümayiş etdirdiyi fair-play nümunəsi təqdir olunub.
