Peşələrdə cinsi ayrı-seçkilik olmasa da, ölkəmizdə şirniyyat sahəsi ilə məşğul olan kişilərə elə də çox rast gəlmirik. Hələ bu şəxs dünya çempionudursa, ona maraq lap artır.
Elə “Qafqazinfo”nun budəfəki müsahibi Rafael Tağıyev kimi... Ağırlıqqaldırma üzrə Dünya çempionu, Avropa ikincisi olan idmançımızın ölkədaxili yarışlarda da xeyli nəticəsi var. Uşaq yaşından rəsm çəkməyə marağı olan Rafael bəy özünü bir də şirniyyat sahəsində sınamaq qərarına gəlib. Son vaxtlar hazırladığı maket şirniyyatlar və tortlarla məşhurlaşan qənnadçını bir qədər yaxından tanıyaq:
