Amerikanın “Forbes” jurnalı ilin ən çox qazanan 10 modelinin siyahısını hazırlayıb. Oxu.Az xarici KİV-ə istinadən xəbər verir ki, siyahıda birinci yeri bu il 22 milyon dollar gəlir əldə edən amerikalı model Kendall Cenner tutub. Braziliyalı model Jizel Bündhen 17,5 milyon dollar gəlirlə ikinci pillədə qərarlaşıb. 13,5 milyon dollar qazancla Krissi Teyqen üçüncü, 10,5 milyon dollar gəlir ilə Adriana Lima dördüncüdür. Cici Hadid və Rouzi Hantinqton-Uaytli (hər ikisi 9,5 milyon dollar) siyahıda beşinci və altıncı yerləri bölüşdürürlər. Karli Kloss (9 milyon dollar) yeddi, Lyu Ven (6,5 milyon dollar) səkkiz, Bella Hadid doqquz (6 milyon dollar) və Eşli Qrem isə (5 milyon dollar) onuncu yerdə qərarlaşıb.
