TV 8-də yayımlanan məşhur "O səs Türkiyə” mahnı müsabiqəsində daha bir azərbaycanlı çıxış edib. "Qafqazinfo” xəbər verir ki, Azər Həsənov proqramda sözləri Fikrət Qoca, musiqisi Polad Bülbüloğluna məxsus "Gəl, ey səhər” mahnısını ifa edib.
Onun səsini dörd münsifdən ikisi ( Murad Boz və Beyazir Öztürk) bəyənib. Daha sonra Murad Boz Azərə duet oxumağı təklif edib. Onlar "Gəl, ey səhəri” birgə səsləndiriblər. Elə A. Həsənov yarışmaya Murad Bozla davam etmək istədiyini bildirib.
