Müsəlman din xadimləri Qarabağda

Gürcüstandan gələn müsəlman, o cümlədən azərbaycanlı din xadimləri Ağdamın işğaldan azad edilən ərazilərinə səfər etdi. Səfərdə Gürcüstanda yaşayan müsəlman dini icmaların 40-a yaxın əməkdaşı iştirak etdi.

Nümayəndə heyəti əvvəlcə Ağdam rayonunun Ağdamkənd kəndində yaşayış məntəqəsinin dağıntılarına baxdı, qonaqlara işğal dövründə minalanmış ərazilərə dair məlumat verildi. Onlar həmçinin Pənahəli xanın imarətgahı, Ağdam çörək muzeyi, Cümə məscidi kimi tarixi tikililəri də ziyarət etdilər. Şəhərin işğaldan sonra gəldiyi vəziyətlə tanış olan din xadimləri gördükləri mənzərədən dəhşətə gəldiklərini bildirdilər.

Din xadimləri Ağdamdan Füzuliyə, sonra isə Şuşaya səfər edəcəklər.