Minik maşını ağaca çırpıldı

Ağstafada xəsarətlə nəticələnən yol nəqliyyat hadisəsi baş verib.

APA TV-nin yerli bürosunun məlumatına görə, hadisə Bakı-Qazax magistral yolunun rayon ərazisindən keçən hissəsində qeydə alınıb.

2002-ci il təvəllüdlü Rəşid Hacızadə idarə etdiyi “VAZ 2107” markalı minik maşını ilə hərəkətdə olan zaman idarəetməni itirib. Nəticədə avtomobil yol kənarındakı ağaca çırpılıb.

Qəza zamanı sürücü xəsarət alaraq xəstəxanaya yerləşdirilib, vəziyyətinin kafi olduğu bildirilir.

Hadisə yerinə Dövlət Yol Polis əməkdaşları cəlb olunub.

Faktla bağlı araşdırma aparılır.