Fransa qarşıdurmalarında son 3 gündə 1300-dən artıq insan xəsarət alıb. Onlardan 39-u ağır yaralar alıb. FaktXeber.com-un verdiyi məlumata görə, bu barədə Fransa DİN rəhbəri Kristof Kastaner bəyan edib.
Fransada yanacağın qiymətinin artması və vergilərin artırılması əleyhinə keçirilən aksiyada «Sarı jiletlilər» parlament üzvlərinə qarşı hədələrlə çıxış edib, onlara və dövlət məmurlarına qarşı hücumlar həyata keçirilib, bəzi prefekturalara hücumlar olub, bir qismi dağıdılıb.
Milli Cəbhə partiyasının lideri Marin Le Pen Emmanuel Makronu sərt iqtisadi islahatlardan çəkinməyə çağırıb. Məhz bu hadisələr Fransada qarşıdurmalara səbəb olub. Bu səbəbdən hətta Makron Serbiyaya rəsmi səfərini təxirə salmalı olub.
Hazırda təkcə «sarı jiletlilər» yox, həmçinin sağçı və radikal solçular, həmçinin məktəblilər etiraz edir.
Hökumət dəyən zərəri hesablayır. İlkin məlumatlara görə, nümayişlər ölkəyə 3 milyon avro zərər vurub.
