Azərbaycanda şəhər mərkəzində görüntülənən ayı zərərsizləşdirildi

  • 31.05.2020
  • 494 baxış
  • 0

Şəki şəhərinin mərkəzində görüntülənən qonur ayı xüsusi keyidici iynə ilə zərərsizləşdirilib. YPX.AZ xəbər verir ki, Ekologiya və Təbii Sərvətlər Nazirliyinin Bakıdan Şəkiyə ezam olunmuş əməkdaşları ayının təhlükəsiz vəziyyətdə vəhşi təbiətə qaytarılması üçün tədbirlər görür. Nazirliyin mətbuat xidmətinin rəhbəri İradə İbrahimova bildirib ki, ən son məlumatda ayı yuxuya getdiyi qeyd edilib: “Əhalidən xahiş edirik ki, vəhşi heyvanın şəhər küçələrində görünməsini anlayışla qarşılasın və təmkinli olsunlar. Vəhşi heyvanların yaşayış məntəqələrində, şəhərlərdə görünməsinə dünyanın hər yerində rast gəlinir. Bütün tədbirlər görülür ki, insanların təhlükəsizliyi qorunsun və ayıya zərər gəlməsin”.

Nə düşünürsən?