Türkiyənin İstanbul şəhərinin Sultanqazi rayonundakı avtomobil salonlarından birinə silahlı şəxslər hücum edib.
BAKU.WS İHA-ya istinadən xəbər verir ki, silahlı şəxslər tapança ilə salonun içindəkiləri atəşə tutublar.
Hadisə zamanı avtomobil salonunun işçilərindən xəsarət alan olmasa da, obyektə xeyli ziyan dəyib.
Təhlükəsizlik kameralarının lentə aldığı hadisə ilə bağlı yerli polis istintaq başladıb.
