Dağıdıcı "Milton" qasırğası Floridaya doğru irəliləyir: insanlar gözlənilən fəlakətdən qaçırlar
Ucnoqta.az xəbər verir ki, ABŞ sinoptiklər Floridaya yaxınlaşan "Milton" qasırğasının nəticələrini modelləşdiriblər.
Kadrlar ən pis ssenarini göstərir. CNN yazır ki, bu, tarixin ən dağıdıcı fırtınalarından birinə çevrilə bilər.
"Milton"un böyüməsi proqnozlaşdırılır. Hal-hazırda bu, 5-ci kateqoriyadır - mövcud olanların ən yüksəyidir.
Sinoptiklər onun quruya düşməzdən əvvəl zəifləyəcəyini, lakin həcminin iki dəfə artacağını gözləyirlər.
Bu o deməkdir ki, onun dağıdıcı nəticələri daha böyük bir ərazidə hiss olunacaq.
Fırtınanın çərşənbə günü axşam Florida ştatının mərkəzi Körfəz Sahili boyunca 3-cü kateqoriyalı qasırğa kimi yerə enməsi proqnozlaşdırılır ki, bu da tarixdəki ən dağıdıcı fırtınalardan birinə çevrilə bilər.
Səlahiyyətlilərin fırtınanın onları öldürə biləcəyi barədə xəbərdarlıq edərək Florida sakinlərini təxliyə etmələrini xahiş etdiyi bildirilir. Ştat boyu magistral yollar tıxanıb və bəzi yanacaqdoldurma məntəqələrində yanacaq tükənir.
