AQTA-dan bayrama özəl yenilik

Qurban Bayramına çox az bir müddət qalır.



Bayram günlərində heyvanların kəsimi və satışı adi günlərdən fərqli olaraq kütləvi şəkildə həyata keçirilir. Bu proses bəzi hallarda kəsim üçün nəzərdə tutulan yerlərdən kənarda baş verir ki, bu da təhlükəli xəstəliklərin qarşısının alınmasına, qanunvericilikdə müəyyən olunmuş qaydada ət və ət məhsullarının baytarlıq-sanitariya ekspertizasının aparılmasına maneələr yaradır.



REAL xəbər verir ki, bütün bunları nəzərə alaraq AQTA tərəfindən bayram günlərində ölkə ərazisində qurbanlıq heyvanlarının kəsiminin baytarlıq-sanitariya və gigiyena normalarına cavab verən stasionar və çadırtipli heyvan kəsimi məntəqələrində aparılması həyata keçiriləcək.



Paytaxda və Respublikanın müxtəlif bölgələrində qurulması nəzərdə tutulan çadırtipli kəsim məntəqələri 3 hissədən ibarət olacaq.



Birinci hissədə heyvanın kəsimi, ikinci hissədə soyulması, üçüncü hissədə isə doğranması prosesi aparılacaq.



Eyni zaman qeyd edək ki, sözü gedən kəsim yerlərinin ətrafında ətin baytarlıq-sanitariya ekspertizasının aparılması məqsədi ilə biotəhlükəsizlik labaratoriyaları vətəndaşlara ödənnişsiz xidmət göstərəcəklər.