"Nəfəs ala bilmirəm" deyib bıçağı başına sapladı

"Nəfəs ala bilmirəm!" deyən kişi 20 sm uzunluğunda tiyəsi olan bıçağı başına saplayıb. Onun sözlərinə görə, burnu ilə nəfəs ala bilmədiyi üçün "başında əlavə dəliyə ehtiyacı vardı".
Milli.Az Daily Mail-ə istinadən bildirir ki, olay Rusiyanın Rostov-Don şəhərində yaşanıb. 41 yaşlı Yuri Joxovun başına bıçaq soxduğunu görənlər polis və təcili yardım çağırıblar.
Polis Joxovu görəndə "Başını dik tut, tərpətmə!" qışqırıb.
Joxovu da elə bu xilas edib.

Xəstəxanaya aparılan Joxovu həkimlər xilas ediblər, onun başındakı mətbəx bıçağını çıxarıblar.