Məktəblilərdən koronavirus əleyhinə video

Koronavirusla mübarizə çərçivəsində tətbiq olunan karantin rejimi ilə əlaqədar insanlar fərqli məşğuliyyətlər taparaq günlərini maraqlı keçirməyə çalışırlar. Bu fəaliyyətlərdən ən məşhuru “evdə qal” kampaniyasını, həmçinin təmizliyi təbliğ edən video-çarxın hazırlanmasıdır. Cebhe.info xəbər verir ki, 111 saylı tam orta məktəbin müəllimi Kəramət Kazımova sinif rəhbəri olduğu 2-ci sinif şagirdləri ilə birgə bu trendə qoşulub. “Whatsapp” qrupundan şagirdlərinin valideynləri ilə danışan müəllim uşaqların onu görmək, onunla maraqlı vaxt keçirmək istədiyini öyrənib. Məhz bundan sonra az da olsa, şagirdlərinin əyləndirmək üçün belə bir addım atıb.