Youthvision 2019
9 views
Latest news
Bakıda, “Elektra Events Hall”da Gənclər və İdman Nazirliyi tərəfindən “Youthvision” beynəlxalq mahnı müsabiqəsi keçirilib.
“Həmişə gənc ol!” şüarı altında keçirilən müsabiqəyə 20 ölkədən 70-dən çox iştirakçı qatılıb. Müsabiqədə Azərbaycan, Almaniya, Qırğızıstan, Belarus, Çexiya, Gürcüstan, İtaliya, İran, Macarıstan, Özbəkistan, Portuqaliya, Qazaxıstan, Rumıniya, Rusiya, Serbiya, Slovakiya, Uqanda, Ukrayna, Moldova, Litva və Monteneqrodan olan iştirakçılar yarışıblar. Azərbaycanı bu yarışda “Tələbə baharı” tələbələrin yaradıcılıq müsabiqəsinin pop-nominasiyasının qalibi olan Azərbaycan Turizm və Menecment Universitetinin III kurs tələbəsi Nadir Rüstəmli təmsil edib.
“Youthvision” beynəlxalq mahnı müsabiqəsinin məqsədi yaradıcı və istedadlı tələbələrin mədəni potensiallarının reallaşdırılması və onlar arasında beynəlxalq təcrübə mübadiləsinin həyata keçirilməsi üçün lazımi şəraitin yaradılmasıdır. Müsabiqənin keçirilməsi ilə bağlı “youthvision.az” internet saytı fəaliyyət göstərir. İştirakçılar, münsiflər heyətinin üzvləri həmin sayt vasitəsilə qeydiyyatdan keçərək ifa ediləcək mahnıları təşkilat komitəsinə təqdim ediblər. Təşkilat Komitəsi tərəfindən seçilmiş ən yaxşı ifaçılara müvafiq dəvət məktubu göndərilib və onlara müsabiqədə iştirakları haqqında məlumat verilib. “Youhtvision”da iştirak hər bir ölkənin daxili qaydalarına əsasən keçirilmiş müsabiqənin nəticələrinə görə müəyyən edilir. Yarışda hər ölkə iştirakçı və münsiflər heyətinin üzvü qismində bir nəfərlə təmsil olunur.
Müsabiqədə hər ölkəni bir münsif təmsil edib. Münsiflər heyətinin üzvləri öz ölkələrinin təmsilçiləri istisna olmaqla digər iştirakçıların hər birinə 1, 2, 3, 4, 5, 6, 7, 8, 10, 12 bal verib. Ən yüksək bal toplayan iştirakçı müsabiqənin qalibi adını qazanıb.
Sonra çıxışlar olub, səsvermə yolu ilə qaliblər seçilib. Birinci yeri Ukrayna, ikinci yeri Azərbaycan, üçüncü yeri isə İtaliya təmsilçiləri tutublar. Müsabiqə qaliblərinə mükafatlar təqdim olunub.
Xatırladaq ki, 2013-2014-cü illərdə keçirilmiş “Univiziya” tələbələrin beynəlxalq mahnı müsabiqəsinin əhatə dairəsi 2016-cı ildən genişləndirilərək gəncləri də əhatə edib və “Youthvision” adlandırılıb. Ötən il keçirilən “Youthvision” III beynəlxalq mahnı müsabiqəsi Azərbaycan Xalq Cümhuriyyətinin yaradılmasının 100 illiyinə həsr olunub.
“Həmişə gənc ol!” şüarı altında keçirilən müsabiqəyə 20 ölkədən 70-dən çox iştirakçı qatılıb. Müsabiqədə Azərbaycan, Almaniya, Qırğızıstan, Belarus, Çexiya, Gürcüstan, İtaliya, İran, Macarıstan, Özbəkistan, Portuqaliya, Qazaxıstan, Rumıniya, Rusiya, Serbiya, Slovakiya, Uqanda, Ukrayna, Moldova, Litva və Monteneqrodan olan iştirakçılar yarışıblar. Azərbaycanı bu yarışda “Tələbə baharı” tələbələrin yaradıcılıq müsabiqəsinin pop-nominasiyasının qalibi olan Azərbaycan Turizm və Menecment Universitetinin III kurs tələbəsi Nadir Rüstəmli təmsil edib.
“Youthvision” beynəlxalq mahnı müsabiqəsinin məqsədi yaradıcı və istedadlı tələbələrin mədəni potensiallarının reallaşdırılması və onlar arasında beynəlxalq təcrübə mübadiləsinin həyata keçirilməsi üçün lazımi şəraitin yaradılmasıdır. Müsabiqənin keçirilməsi ilə bağlı “youthvision.az” internet saytı fəaliyyət göstərir. İştirakçılar, münsiflər heyətinin üzvləri həmin sayt vasitəsilə qeydiyyatdan keçərək ifa ediləcək mahnıları təşkilat komitəsinə təqdim ediblər. Təşkilat Komitəsi tərəfindən seçilmiş ən yaxşı ifaçılara müvafiq dəvət məktubu göndərilib və onlara müsabiqədə iştirakları haqqında məlumat verilib. “Youhtvision”da iştirak hər bir ölkənin daxili qaydalarına əsasən keçirilmiş müsabiqənin nəticələrinə görə müəyyən edilir. Yarışda hər ölkə iştirakçı və münsiflər heyətinin üzvü qismində bir nəfərlə təmsil olunur.
Müsabiqədə hər ölkəni bir münsif təmsil edib. Münsiflər heyətinin üzvləri öz ölkələrinin təmsilçiləri istisna olmaqla digər iştirakçıların hər birinə 1, 2, 3, 4, 5, 6, 7, 8, 10, 12 bal verib. Ən yüksək bal toplayan iştirakçı müsabiqənin qalibi adını qazanıb.
Sonra çıxışlar olub, səsvermə yolu ilə qaliblər seçilib. Birinci yeri Ukrayna, ikinci yeri Azərbaycan, üçüncü yeri isə İtaliya təmsilçiləri tutublar. Müsabiqə qaliblərinə mükafatlar təqdim olunub.
Xatırladaq ki, 2013-2014-cü illərdə keçirilmiş “Univiziya” tələbələrin beynəlxalq mahnı müsabiqəsinin əhatə dairəsi 2016-cı ildən genişləndirilərək gəncləri də əhatə edib və “Youthvision” adlandırılıb. Ötən il keçirilən “Youthvision” III beynəlxalq mahnı müsabiqəsi Azərbaycan Xalq Cümhuriyyətinin yaradılmasının 100 illiyinə həsr olunub.
Comments 0
Sign in to write a comment
No comments yet. Be the first to write one.