Türk ordusuna silahlı hücum oldu

PKK-nın Suriya qolu olan PYD İdlib şəhərində türk hərbçilərinə hücum edib.

APA TV-nin məlumatına görə, Hələbin Afrin qəsəbəsində yerləşən terrorçular İdlib-Afrin xəttindəki Daret İzzət nəzarət nöqtəsi istiqamətində 5 top zərbəsi endirib.

Topun biri hərbçilərin 100 metrliyinə, digərləri isə mülki əhali olan əraziyə düşüb. Hadisə nəticəsində ölən və yaralanan olmayıb. Türkiyə Silahlı Qüvvələri terrorçulara cavab atəşi açıb.

Qeyd edək ki, Türkiyə, Rusiya və İran arasında Astanada imzalanan anlaşma çərçivəsində Türkiyə ordusu atəşkəsi bərpa etmək üçün oktyabrın 12-də İdlib vilayətinə daxil olub.