Şeyxülislam Əbdül Cabbarı qəbul etdi

Bütün Qafqazın Şeyxi Hacı Allahşükür Paşazadə ölkəmizdə səfərdə olan İraq Respublikasının Neft naziri İhsan Əbdül Cabbarı qəbul edib.

Görüş zamanı iki ölkə arasında əlaqələrin və münasibətlərin inkişafı müzakirə edilib.

Bütün Qafqazın Şeyxi İraqlı nazirə 44 günlük Vətən müharibəsində qazandığımız qələbə, Ermənistan tərəfinin Azərbaycan torpaqlarında törətdiyi vandalizm aktları, bu torpaqlarda görülən yenidənqurma və bərpa işləri barədə məlumat verdi.

Əbdül Cabbar öz çıxışında Azərbaycanla əlaqələrin önəmini vurğuladı və iki ölkə arasında iqtisadi əməkdaşlığın vacibliyini qeyd etdi.

İraqlı nazir Bütün Qafqazın Şeyxini İraq Respublikasına dəvət etdi.

Sonda Hacı Allahşükür Paşazadə İraq Respublikasının neft naziri Əbdül Cabbara rəmzi hədiyyə təqdim etdi.