Rus rublunun son durumu

Rusiya Ukrayna müharibəsi başlayandan Rusiya bazarı çətinliklərlə üz-üzə qalıb. İlk mərhələdə Bəzi məhsulların qiymətində hətta 100 faiz artım müşahidə olunurdu. Səbəb isə müharibənin ilk 10 günündə dollarin rubla nisbətdə 50 faizdən cox bahalaşması oldu.

Rusiya hakimiyyətinin neft-qaz məhsullarinin xaricə, Rusiyaya qeyri dost ölkələrə rublla satışı qərarından sonra ölkənin milli valyutası bahalaşmağa başladı. Hazırda isə rubl bahalaşmaqda davam edir. Bunun bazarlara təsiri də artıq müşahidə olunmaqdadır. Sanksiyaların ilkin olaraq ən çox təsir etdiyi tikinti materiallari bazarında qiymətlərdə müəyyən qədər stabillik hiss olunur.

Tikinti materiallarının qiymət artımı isə bu sahədə satışa da təsirini göstərir. Belə ki, apardığımız sorğu zamanı da satıcılar bildirdilər ki, vətəndaşların alıcılıq qabilliyyəti kəskin aşağı düşüb.

Qiymət artımının tək dolların yüksəlişi ilə deyil, həm də logistika ilə bağlı olduğunu deyən soydaşımız məhsulun Rusiyaya gəlib çıxmasında gecikmələrin və xərçin artdığını da əsas gətirdi.

Moskvanın Meyvə tərəvəz bazarlarında da cuzi də olsa qiymətlərdə ucuzlaşma var. Ucuzlaşma əsasən MDB ölkələrindən gətirilən məhsullarda hiss olunur.

Avropa ölkələrindən gələn meyvə tərəvəzin çox baha olduğunu vurğulayan satıcılar, artıq Rusiya bazarında idxalın əssən yerli və şərq ölkələrindən olan məhsullara yönəldiyini vurğuladılar.

Hazırda Rusiya Ukrayna müharibəsi ilə bərabər Qərbin Rusiyaya qarşı sanksiyaları da davam edir. Avropa İttifaqı artıq beşinçi sanksiya paketini açıqladı. Gərginliklərlə mübarizə aparan Rusiya iqtisadiyatının durumunun necə dəyişəcəyini isə zaman göstərəcək.