Qarabağda yeni radio açılır

Bu gün Milli Televiziya və Radio Şurasının Qarabağda yeni regional radio kanalının açılması üçün 102,7 MHs işçi tezliyinə 10 fevral 2021-ci il tarixdən 12 mart 2021-ci il tarixədək elan etdiyi müsabiqə üçün sənəd qəbulu başa çatıb.

MTRŞ-dan APA TV-yə bildirilib ki, müsabiqə çərçivəsində 7 iddiaçı Şuraya sənədlərini təqdim edib:

1. "Real Təhlil İnformasiya Mərkəzi" MMC;

2. "Caspian İnternational Broadcasting Company" MMC;

3. "Balans Studiyası" MMC;

4. "İNS ÇM" MMC;

5. "İsti Press" MMC

6. "Azad Azərbaycan" Müstəqil Teleradio kompaniyası

7. "ARB 24" MMC

"Televiziya və radio yayımı haqqında" Azərbaycan Respublikasının Qanunun 19.1-ci maddəsinə əsasən, Milli Televiziya və Radio Şurası müsabiqəyə sənəd qəbulunun başa çatmasından sonrakı 30 gün ərzində iddiaçıların sənədlərini araşdırıb müsabiqənin nəticələri barədə qərar qəbul etməlidir.