Paşinyanın İran fiaskosu

Ermənistanın baş nazirinin İran səfərinə ayrı-ayrı politoloqlar fərqli şərhlər verirlər.Belə ki,AzNews.az-a açıqlamasında politoloq Natiq Miri deyib ki, "Paşinyan hakimiyyətə gələndən sonra xalqa müəyyən vədlər verib. Bu vədlər korrupsiyaya qarşı mübarizə ilə bərabər, yeni bir iqtisadi sistemin yaradılması, iqtisadi sıçrayış və insanların rifah halının yaxşılaşdırılması ilə bağlıdır. Bunun üçün təbii ki Ermənistana yeni maliyyə imkanları və bu kontekstdə yeni perspektivlər açılmalıdır. Ermənistan indiki vəziyyətdə xilas yolu kimi İranı düşündüyü üçün bu səfər də təxminən bu yöndə planlaşdırılmışdı".