Milli parklara turlar

Bakı Konqres Mərkəzində UNESCO-nun Dünya İrs Komitəsinin 43-cü sessiyası öz işini davam etdirir. İyunun 30-dan başlayan UNESCO-nun Dünya İrs Komitəsinin 43-cü sessiyası iyulun 10-dək davam edəcək.

Sessiya çərçivəsində ETSN milli parkların tanıtımı, təbliğat məqsədi ilə burada xüsusi stend təşkil edib.

ETSN-də sektor müdiri Arzu Səmədova turlar və təbliğatı aparılan milli parklar barədə REAL-ın birbaşa efirində məlumat verib.

"Bu sərgidə bütün Milli Parkların təbliğat işi aparılır. Həmçinin Dövlət Təbiət Qoruğu olan palçıq vulkanları, Hirkan Milli Parkı ilə bağlı fotoşəkillər nümayiş olunur. Eyni zamanda turistlərə, iştirakçılara Milli Parklarla bağlı məlumat daşıyıcıları, bukletlər təqdim olunur. Bu bukletlər həm rus, həm inqlis dilindədir. Gün ərzində iştirakçılar Milli Parklarla bağlı yaxınlaşırlar, suallar verirlər, - deyə Arzu Səmədova bildirib.