İranda həyəcan: Ölü sayı 10-a çatdı

İranda bazar günü keçirilmiş etirazlar zamanı azı 10 nəfər ölüb, dövlət televiziyası detallı məlumat vermədən bildirib.

"Ötən axşam baş vermiş hadisələr zamanı bir neçə şəhərdə, təəssüf ki, 10-a yaxın insan həyatını itirib", Reuters sitat gətirib.

BBC Monitorinq İran mediasına istinadən yazır ki, indiyədək təxminən 200-dək insan saxlanıb.

Tehran valisinin köməkçisi Əli Əşgar Naserbaxt bildirib ki, saxlanılanların azı 40 nəfəri etirazçıların liderləridir.

Bazar günü nümayişlərində polislərin etirazçı qruplara yüksək təzyiqli su ilə müdaxilə etdiyi deyilir.