Cəbhə bölgəsində sorğu - REPORTAJ

YPX.az-ın əməkdaşı bu gün düşmənlə sərhəd kənd olan Tovuz rayonunun Əlibəyli kəndində olub. Yerli sakinlərlə görüşüb, onların son günlər baş verən hadisələrlə bağlı fikrini öyrənib.
Əlibəyli kəndində doğulub indi də burada yaşayan Abdullayev Ömər 16 yaşı olmasına baxmayaraq bildirib ki, o da hər an düşmənlə döyüşməyə hazırdır. Biz heç vaxt ermənilərə torpaq vermərik, əksinə döyüşlər başlayarsa işğal olunmuş torpaqlarımızı azad edəcəyimizə əmindir.
1964-cü il təvəllüdlü Ziyəddin bəy isə bildirib ki, o vaxtı ilə Qarabağda döyüşüb. Səfərbərlik elan olunarsa, 55 yaşı olmasına baxmayaraq bu gün də əlinə silah alıb döyüşə getməyə hazırdır.

Ümumiyyətlə ünsiyyətdə olduğumuz, fikirlərini öyrəndiyimiz bütün kənd sakinləri səfərbərlik elan olunarsa əllərindən gələni edəcəyini, döyüşə getməyə hazır olduqlarını bildirir.