Bu ərazidə parklanmalar doğru edilmir

Heydər Əliyev prospekti, Koroğlu metro stansiyasının önündə taksi sürücülərinin yaratdığı broblem artıq uzun zamandır ki öz həllini tapmır.



YPX.AZ xəbər verir ki, bu ərazidə taksi sürücüləri avtomobillərindən müştəri düşürdür və ya müştəri çağırırlar. Məsələ onların bunu etməsində yox, sürücülərin avtomobillərini yolun ortasında, istədikləri yerdə saxlayaraq yolu bağlamalarıdır.



Sürücü tərəfindən video qeydə alınan görüntülərdən görünür ki, onlarla sürücü avtomobilini dayanma durmanın qadağan olunduğu yerdə saxlayaraq yolu bağladıqlarını düşünmədən öz işlərindədirlər. Olardan biri də 90 UB 598 “VAZ 2107” markalı avtomobilin sürücüsudür. O, avtomobilini yolun ortasında saxlayaraq müştəri götürür, onunla söhbət edir, yükünü baqaja yerləşdirir. Videoqeydiyatçı ilə qeydiyyat aparan aftomobilin sürücüsü ona iradını bildirir. Taksi sürücüsü tələsmədən avtomobilinə əyləşir və yoluna davam edir. Amma bununla da bitmir, qarşıda daha bir avtomobil və eyni görüntülər.



Bu ərazidə dəfələrlə DYP, BNA əməkdaşları tərəfindən reydlər keçirilsə də vəziyyət dəyişmir. Taksi sürücüləri yenə də öz işlərindədirlər. Tək reydlərlə məsələ həll olunmur əlbətdə ki, bu məsələyə sürücülər də diqqət göstərməli, eqoistlik etməməli, digər yol hərəkət iştirakçılarını da düşünməlidirlər.