Bakıda hərrac keçirildi

İqtisadiyyat Nazirliyi yanında Əmlak Məsələləri Dövlət Xidmətinin təşkilatçılığı ilə 6 səhmdar cəmiyyətinin səhm paketi, 30 kiçik dövlət müəssisə və obyekti, 98 nəqliyyat vasitəsini hərraca çıxarılıb.

Hərraca çıxarılan avtomobillər Almaniya və Rusiya istehsalıdır. Hərracda 10 nəqliyyat vasitəsi özəlləşdirilib. Qaliblər müəyyən edilib.

Hərracın keçirilməsində şəffaflıq tam təmin olunur. Özəlləşdirmə hərracları hər kəsin iştirakı üçün açıqdır, yəni istənilən iştirakçı qismində qatıla bilər. Hətta dövlət əmlakına sifariş verməyən şəxslərin də hərracı ziyarətçi olaraq canlı izləmək imkanı var. Prosedurun sadə olması investorların marağını cəlb edən əsas üstünlüklərdən biridir. Hərraca qatılmaq üçün “Özəlləşdirmə portalı” üzərindən əmlakı seçib elektron qaydada sifariş vermək kifayət edir.

Qeyd edək ki, növbəti hərraclar avqustun 16, 23 və 30-da keçiriləcək.

REAL