Aeroportda sərnişinlər trapdan yıxıldı

Rusiyanın Barnaul şəhərinin aeroportunda 6 nəfər şərnişin təyyarənin trapından yıxılıb.



Axar.az xəbər verir ki, bu barədə regionun hüquq-mühafizə orqanları məlumat yayıb.



Hadisə nəticəsində iki nəfər ağır travma alıb. Onların hər ikisi xəstəxanaya çatdırılıb. Digər 2 nəfər isə yüngül zədələr alıb.



Qeyd edək ki, təyyarə “Ural” aviaşirkətinə məxsus olub. Təyyarənin trapı sonuncu dəfə ötən ilin oktyabrında yoxlamadan keçib.



Hava limanı rəhbərliyi baş vermiş hadisəyə görə, üzr istəyib.



Faktla bağlı cinayət işi açılıb.