Ərdoğanın salamını almadılar

Türkiyədə AKP (Ədalət və İnkişaf Partiyası) liderlərinin görüşündə maraqlı insident yaşanıb. Salam vermək istəyən dövlət başçısı Rəcəb Tayyib Ərdoğanın əli havada qalıb.

Oxu.Az Haberlər.com-a istinadən xəbər verir ki, partiyanın Əskişəhər Bələdiyyə sədrliyinə namizədi Bürhan Sakallının həyat yoldaşı Sümeyya Sakallı dövlət başçısına əl uzatmaq istəməyib.
Toplantı zamanı şəkil çəkdirmək üçün kameralar önünə keçərkən Ərdoğan Sümeyya Sakallının arxada qaldığını görüb və onu ön sıraya dəvət edib.

Görüşmək üçün xanıma əl uzatsa da, Sümeyyə Sakallı bu jesti fərqli şəkildə qarşılayıb, sadəcə, baş əyməklə kifayətlənib.