Bu ailə evini də özü ilə birgə gəzdirir

Hər kəsin uşaqlıq xəyalları olur. Ancaq çox az insan o xəyallarının ardınca gedir.



Nəzər Quliyev isə elə onlardandır. Xəyalı karvanla səyahət etmək olub və artıq 2 ildir ki, bunu reallığa çevirib.



Hər zaman xarici mətbuatda oxumağa öyrəşdiyimiz bu səyahət növünün ölkəmizdə də tətbiq olunduğunu biləndə biz də “Qafqazinfo” olaraq bir günlük ailə başçısı Nəzər bəyin xəyalına ortaq olmaq istədik.



Məkanı seçib ailə ilə birgə piknik məqsədilə yola çıxırıq. Nəzər bəy hər şeyi diqqətlə yerləşdirir. Stullar, qab-qaşıq, plastik qablar, manqal üçün lazım olan ləvazimatlar, uşaqların ehtiyacları üçün daha nələr-nələr...