Millimiz üçün sonuncu ŞANS

Bu gün UEFA Millətlər Liqasında qrup mərhələsinin 3-cü turunun oyunlarına start veriləcək.
Qol.az-ın məlumatına görə, D liqasının 3-cü qrupunda yer alan millimiz də növbəti görüşünü keçirəcək. Qurban Qurbanovun komandası səfərdə Farer adaları yığmasının qonağı olacaq. Qrupda keçirdiyi ilk 2 oyunda heç-heçə edən yığmamız iddiasını davam etdirmək üçün ilk qələbəsini qazanmağa çalışacaq.Qeyd edək ki, Torşavn şəhərindəki “Torsvullur” stadionunda keçiriləcək oyun Bakı vaxtı ilə 22:45-də başlayacaq. Qrupun digər matçında isə lider Kosovo autsayder Maltanı qəbul edəcək. Həmin görüş də eyni saatda start götürəcək.