18+ Dənizdən meyit tapıldı

Astarada 24 yaşlı gənc dənizdə boğularaq ölüb.

APA TV-nin cənub bürosunun verdiyi məlumata görə, bədbəxt hadisə axşam saatlarında baş verib. Belə ki, rayonun Maşxan kənd sakini, 1996-cı il təvəllüdlü Rəşad Baxşıyev dənizin nəzarətsiz ərazisində çimərkən suda batıb.

Dərhal hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışa cəlb olunub. Dalğıc-axtarış qrupunun səyi nəticəsində Rəşad Baxşıyevin meyiti sudan çıxarılaraq müayinə üçün Məhkəmə Tibbi-Ekspertiza və Patoloji Anatomiya Birliyinin Lənkəran Rayon Şöbəsinə təhvil verilib.

Qeyd edək ki, Rəşad Baxşıyev ailəli idi və bir övladı var. Faktla bağlı araşdırma aparılır.