İndoneziyada iki gün ərzində dördüncü partlayış törədilib.
“Jakarta Globe” nəşrinin yazdığına görə, sonuncu partlayış Surabay şəhərində polis bölməsinin yaxınlığında baş verib.
İndoneziyanın ikinci böyük şəhərində baş verən partlayış nəticəsində 7 nəfər həlak olub. Bir neçə polis yaralanıb.
Xatırladaq ki, dünən Surabayda üç terror aktı nəticəsində 11 nəfər həlak olub, daha 40-ı zərər çəkib.
Birinci partlayış Müqəddəs Mariya katolik kilsəsinin yaxınlığında, ikincisi Diponeqoro küçəsində protestant kilsəsində, üçüncüsü isə Ardjuno küçəsində yerləşən kilsədə törədilib.
Hücumları bir ailənin altı üzvü – ata, ana, 16 və 18 yaşlarında iki oğlu, həmçinin 9 və 12 yaşlarlında iki qızı edib. Polisin məlumatına görə, bütün ailə İŞİD-lə bağlı olan “Cemaa Anşarut Daula” yerli terror təşkilatı üzvlərdir.