XTQ şəhidi Mustafa Qasımovun doğum günüdür

44 günlük zəfər tariximizimizin bizə yaşatdığı qələbədə payı olan qəhrəmanlarımızdan biri də Vətən müharibəsi şəhidi Mustafa Qasımovdur. Mustafa Dadaş oğlu Qasımov 1995-cu il oktyabrın 2-də Tovuz rayonunun Qaralar kəndində hərbiçi ailəsində doğulub. O, 2002–2013-cü illərdə Qaralar kənd ümumi orta məktəbində təhsil alan şəhidimiz , 2013–2015-ci illərdə Azərbaycan Silahlı Qüvvələrinin sıralarında həqiqi hərbi xidmətdə olub. 2015-ci ildən sonra XTQ sıralarında müddətdən artıq hərbi xidmət qulluqçusu kimi ordumuzun sıralarında yer alıb.

Mustafa 44 günlük davam edən Vətən müharibəsində tək özü yox, iki qardaşı ilə birlikdə ilə çiyin-çiyinə vuraşaraq qəhrəmanlıq göstərib. O, 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Murovdağın azadlığı uğrunda gedən döyüşlərdə savaşıb.

Lakin o, oktyabrın 1-də Murovdağ döyüşləri zamanı şəhadətə yüksəlir.

Qeyd edək ki, şəhid Mustafa Qasımov ölümündən sonra “Vətən uğrunda”, “Kəlbəcərin azad olunmasına görə”, “Vətən müharibəsi iştirakçısı” medalları ilə təltif edilib.

REAL