Əmlak sığortasına tələbat artır

Qlobal iqlim dəyişiklikləri Azərbacanda qasırğaları, selləri, daşqınları fəallaşdırıb. Bu da öz növbəsində, əmlak üçün yeni risklər yaradıb və ümumiyətlə risk faktorunu aktuallaşdırıb.

Bununla yanaşı, Azərbaycan ərazisində əmlak üçün zəlzələlər, yanğınlar və sürüşmələr kimi ənənvi risklər də qalmaqdadır. Azərbaycan Sığortaçılar Assosiasiyasının İcraçı direktoru Elmar Mirsalayev REAL TV-yə müsahibəsində bildirib ki, ölkənin hər bir bölgəsi üçün ayrıca, özünəməxsus risk mənbəyi var və bu risklər zaman-zaman özünü biruzə verir.

Qurum təmsilçisi bu risklərdən qorunmaq üçün vətəndaşları əmlak sığortasından yararlanmağa çağırır.