5 kəndin elektrik şəbəkəsi yenidən quruldu

“Azərişıq” ASC Xaçmaz rayonunun 5 kəndinin elektrik şəbəkəsini yenidən qurub, 7 kəndində işləri davam etdirir. Rayonun Sərkərli, Üçgün, Uzunoba, Hacıəhmədoba, Xanoba, Padar və Şıxlı kəndlərində də işlərə start verilib. Prezident İlham Əliyevin müvafiq tapşırıqlarına əsasən, Yergüc, Armudpadar, Əhmədoba, Yaquboba və Həsənqala kəndlərinin isə elektrik şəbəkəsi yenidən qurulub.

Yenidənqurma işləri çərçivəsində Sərkərli kəndində 3 ədəd komplekt transformator məntəqəsi quraşdırılacaq. 12 km-a yaxın 10 kV-luq, 8 km-dan çox 0,4 kV-luq elektrik xətləri yenilənəcək.

Xaçmazda işlərin başa çatdığı kəndlərdən biri Həsənqala kəndidir. Həsənqalanın 400-dən çox abonenti var və kənddə 7 ədəd KTM quraşdırılıb.

14 km-dan çox 10 kV-luq, 20 km-dan artıq 0,4 kV-luq elektrik xətti yenilənib. Bu qədim yaşayış məntəqəsinin enerji təsərrüfatı indi tam müasir səviyyəyə çatdırılıb.

Bütün işlər yekunlaşdıqdan sonra Xaçmazın 12 kəndində 3 mindən çox abonent keyfiyyətli, dayanıqlı və fasiləsiz elektrik enerjisi ilə təchiz ediləcək. Xatırladaq ki, investisiya layihəsi bütün regionlarda 100-dən çox kəndi əhatə edir.

REAL