Zəngilan rayonunun inkişaf strategiyası

Dövlət başçısının Zəngilana səfəri olduqca mühüm əhəmiyyət kəsb edirdi. Ermənilərin vəhşiliklərinin əksinə olaraq Prezident İlham Əliyev tərəfindən əsası qoyulan layihələr, eyni zamanda, ölkə rəhbərinin Ermənistana, onun havadarlarına və beynəlxalq ictimaiyyətə ünvanlanan mesajları bir daha göstərdi ki, Azərbaycan xalqı bölgəni dirçəltmək üçün əməli addımlar ataraq, dünyanın ən inkişaf etmiş texnologiyalarını regiona cəlb edir.

Zəngilan rayonunun coğrafi yerləşməsi və buradakı mövcud imkanlar rayonu beynəlxalq nəqliyyat-logistika mərkəzinə çevirmək üçün münbit şərait yaradır.

Ekspertlər bildirir ki, Zəngilanda yaradılacaq yol infrastrukturu təkcə Qarabağın bərpası deyil, həm də Naxçıvan və Türkiyə ilə quru əlaqələrinin qurulması baxımından əhəmiyyətlidir.

Nəticə etibarilə, Prezident İlham Əliyevin də söylədiyi kimi, indi Zəngilanın yeni dövrü başlayır, şəhərin baş planı hazırlanır. Burada nəinki hava limanı, beynəlxalq hava limanı da olacaq və Zəngilan sözsüz ki, ölkəmizin nəqliyyat-logistika mərkəzinə çevriləcək.