Xocalı faciəsi “Savaşçı” serialında

Türkiyədə yayımlanan "Savaşçı” serialında Xocalı faciəsindən bəhs edilib.



"Ölkə.Az” xəbər verir ki, azərbaycanlı rejissor və aktyor Kənan MM-in də çəkildiyi serialın bu dəfəki seriyasında Xocalı faciəsinə geniş yer ayrılıb.



Qarabağa aid mahnı sədaları altında Xocalı şəhidlərinin qəbirstanlığı və Xocalı faciəsinə aid köhnə kadrlarla faciə bir daha çatdırılıb.



Kənan MM-in canlandırdığı Yüzbaşı Bəxtiyar obrazı isə qəbirlərin arasında gəzərək faciəni xatırlayır, dağılmış evləri, anası tərəfindən gizlədilməsi, erməni terrorçuları tərəfindən anasına işgəncə edilməsini xatırlayır. Bütün bu hadisələr kadrlar vasitəsilə tamaşaçıya çatdırılır.