Qarabağda yeni su kanalları quraşdırılacaq

İşğaldan azad olunmuş ərazilərdə kənd təsərrüfatının inkişafı əsas istiqamətlərdən biridir. Bu baxımdan, suvarma suyu ilə təminat prioritet təşkil edir.

Bunu Ağdamda səfərdə olan Baş nazirin müavini Şahin Mustafayev jurnalistlərə deyib. Ş.Mustafayevin sözlərinə görə, yeni kanalların tikintisi də nəzərdən keçirilir.

İşğaldan azad edilən ərazilərdə yeraltı və yerüstü su ehtiyatlarının qiymətləndirilməsi zəruridir. Bu məqsədlə 13 hidroloji stansiyanın quraşdırılması və müşahidə-kəşfiyyat quyularının qazılması nəzərdə tutulur.

Ümumilikdə işğaldan azad edilmiş ərazilərdə 2 milyard kubmetr su ehtiyatları var. Bu ehtiyatlar tələbatı tam ödəməyə imkan verir.

REAL