Prokurorluq işçiləri Şəkidə toplanıb

Baş Prokurorluq Şəkidə “Hüquqi dövlət quruculuğu və müstəqil Azərbaycan mediasının inkişafında Heydər Əliyev irsi” adlı konfrans təşkil edib.

Tədbirdə Mingəçevir, Ağdaş, Balakən, Oğuz, Qəbələ, Qax, Şəki, Yevlax və Zaqatala rayon və hərbi prokurorluqlarının əməkdaşları,hüquq-mühafizə orqanlarının rəhbərləri, eləcə də media və qeyri-hökumət təşkilatlarının nümayəndələrinin iştirak edlib.

Tədbir çərçivəsində Şəki rayon prokurorluğunun inzibati binasına press-tur təşkil olunub.

İştirakçılar binada əməkdaşlar üçün yaradılan şəraiti ilə tanış olub.

Tədbirdə açılış nitqi ilə çıxış edən Baş Prokurorluğun Kadrlar idarəsinin rəisi Natiq Hüseynov Azərbaycanın müstəqilliyini əldə olunmasından sonra ölkədə aparılan məhkəmə-hüquq islahatlarından danışıb, O, prokurorluq orqanlarının mahiyyət və struktur baxımından yenidən qurulması istiqamətində kompleks işlərin görüldüyünü bildirb

Konfrans zamanı çıxış edən Şəki Şəhər İcra Hakimiyyətinin başçısı Elxan Usubov mötəbər tədbirin Şəki şəhərində təşkil edilməsindən məmnunluğunu ifadə edib.

Prezident İlham Əliyevin rəhbərliyi ilə Azərbaycanın regionda müstəqil, güclü dövlətə çevrildiyini deyən Şəki rayon prokuroru Mehman Xankişiyev dünyada sülhün və təhlükəsizliyin təmin olunmasında ölkəmizin oynadığı xüsusi rolu xatırladıb.

Sonra Baş prokuror Kamran Əliyevin ideya müəllifliyi əsasında ərsəyə gələn ümummilli liderin xatirəsinə həsr olunmuş sənədli film nümayiş olunub