Rumıniyanın keçmiş kralı I Mixay İsveçrədəki iqamətgahında 96 yaşında vəfat edib. Trend-in məlumatına görə, sabiq kral bir ildən çox idi ki, onkoloji xəstəlikdən əziyyət çəkirdi. Qeyd edək ki, I Mixay Rumıniya İkinci Dünya Müharibəsində Hitler Almaniyasının müttəfiqi olarkən antifaşist koalisiyaya qoşularaq Almaniyaya müharibə elan etmişdi. 1947-ci ildə Rumıniyada monarxiya üsul-idarəsi ləğv olunduqdan sonra Mixay İsveçrəyə mühacirət etmişdi.
