Azərbaycan Ordusunun Zəngəzur istiqamətində dövlət sərhədini bərpa etməsi və Qara gölü nəzarətə götürməsinə Ermənistanın baş naziri vəzifəsini icra edən Nikol Paşinyan reaksiya verib. SON DƏQİQƏ kanalı xəbər verir ki, gecə saatlarından Təhlükəsizlik Şurasının iclasını toplayan Nikol Paşinyan Azərbaycanı ittiham etməkdən də çəkinməyib. “Zəngəzur (Sünik) vilayətinin Qara göl rayonunda vəziyyət olduqca ciddi qalmaqda davam edir və heç nə dəyişməyib. Ərazidə Azərbaycan hərbçiləri və bizim hərbçilərimiz var. Amma demək istəyirəm ki, vəziyyət hərbi gərginlik səviyyəsinə çıxmayıb. Heç bir atışma və toqquşma baş verməyib”, - Paşinyan bildirib. Ermənistanın illərdir Azərbaycan ərazilərini işğal etməsi və qanunsuz olaraq dövlət sərhədini dəyişməsi faktlarını unudan Nikol Paşinyan guya Azərbaycanın Qara gölə sahiblənməsi üçün saxta xəritələrdən istifadə etdiyini deməkdən də çəkinməyib. Hətta Nikol daha da irəliyə gedərək, Azərbaycan hərbçilərinin ərazidən çıxarılması ilə bağlı işlərin aparıldığını da deyib. Qeyd edək ki, Azərbaycan Ordusu ötən gün GPS və xəritələr əsasında dövlət sərhədimizi bərpa etmək üçün 2-3 km irəliləyərək, Qara gölü tam nəzarətə götürüb. Torpaqlarımız işğal altında olduğu vaxt sərhədləri həyasızcasına qabağa çəkərək, zəbt edən ermənilər isə hər dəfə sərhəd dəqiqləşməsində hay-küy salaraq, zəbt etdikləri ərazini geri vermək istəmirlər.
≔≔≔≔≔≔≔≔≔≔≔≔≔≔≔≔≔≔≔≔≔≔
≔≔≔≔≔≔≔≔≔≔≔≔≔≔≔≔≔≔≔≔≔≔
Reklam və Sponsorluq üçün : +994703993420
≔≔≔≔≔≔≔≔≔≔≔≔≔≔≔≔≔≔≔≔≔≔
Bizi sosial şəbəkələrdə izləyin.
İnstagram : https://bit.ly/3940FuA
Tik Tok : https://bit.ly/2OOr8Wm
Facebook : https://bit.ly/3f76OtR
Twitter : https://bit.ly/3cTRUVh
Bax Tv : https://bit.ly/3968YpX
