Yəhudi mütəxəssislər mövcud yerüstü qəbiristanlığın altından 14 mərtəbəli yeraltı məzarlıq da tikməyi bacarıb. Bundan məqsəd dünyasını dəyişənlər üçün yer çatışmazlığı məsələsini həll etməkdir. İki il ərzində qazılmış tunelin dərinliyi 50 m, uzunluğu isə 1200 m-dir. Qəbiristanlığa cənazələr xüsusi liftlərlə endiriləcək. Tikintisi 50 mln. dollara başa gəlmiş bu məzarlıqda 22 min mərhumun dəfn ediləcəyi nəzərdə tutulur. Qeyd edilir ki, qeyri-adi qəbiristanlığın tikilməsi İsrail cəmiyyətində birmənalı qarşılanmayıb.