Avropa Liqasının qrup mərhələsində Lüksemburqda oynanılan "Düdelanj" - "Qarabağ" (1:4) oyunu ilk hissədə erməni təxribatı ilə əlaqədar dayandırılıb.
Bu zaman həm meydanda, həm də meydandan kənarda gərgin anlar yaşanıb.
Buna dron vasitəsilə stadionun üzərində Dağlıq Qarabağdakı qondarma rejimin bayrağının qaldırılması səbəb olub. "Qarabağ"ın azarkeşləri buna kəskin etirazlarını bildiriblər. Onlardan bir neçəsi Azərbaycan bayrağı ilə meydana daxil olmaq istəyib və təhlükəsizlik əməkdaşları ilə qısa gərginlik yaşanıb. Bu zaman Ağdam klubunun futbolçuları məsələyə müdaxilə edərək azarkeşləri mühafizəçilərin əlindən alıb.
