Pakistan İslam Respublikasının vətəndaşı BakınınSuraxanı rayonunda küt alətlə döyülərək xəsarət alıb. N-XƏBƏR report-a istinadən xəbər verir ki, hadisə Əmircan qəsəbəsi, Atamoğlan Rzayev küçəsində baş verib. Belə ki,34 yaşlı Mummad Naveed Ahmad açıq kəllə-beyin travması ilə 3 saylı Kliniki Tibbi Mərkəzə yerləşdirilib. Yaralının verdiyi məlumata görə, o, 9 ildir, Bakıda yaşayır. Onunla həmyerlisi Rafakat adlı şəxs arasındadəfələrlə mübahisə yaranıb. Ötən gecə Mummad Naveed Ahmad marketdən ərzaq alıb evə qayıdarkən qəfildən Rafakatınhücumuna məruz qalıb. Rafakat onunla əlbəyaxa dava zamanı başına çəkiclə zərbə vurub. Yaralının dediyinə görə, davaya səbəb Rafakatın işsiz qalmasıdır. Mummad Naveed Ahmad ona Bakıda iş tapmalı imiş. Faktla bağlı Suraxanı Rayon Polis İdarəsində araşdırma aparılır.
