"Bazarda satıb sonra tutuldum" - Həmkəndlisini soyan oğru

Gədəbəydə oğurluqla məşğul olan şəxs saxlanılıb.

47 yaşlı kişi həmyerlisinin malına göz dikib. Oktyabrın 31-i axşam saatlarında Slavyanka kənd sakini Gədəbəy Rayon Polis Şöbəsinə müraciət edərək evindən oğurluq edildiyini bildirib. Zərərçəkənin müraciəti əsasında əməliyyat-axtarış tədbirlərinə başlayan polis əməkdaşları cinayəti törətməkdə şübhəli bilinən şəxsi saxlamağa müəssər olublar.

Ədalət Rzayev (saxlanılan şəxs): "Evə gündüz girmişəm. Adyal götürmüşəm. Neçə dənə götürdüm bilmirəm, qalanı yadımda deyil. Gətirib bazarda satıb, sonra da tutulmuşam".

Ədalət Rzayevin evdən oğurladığı əşyaların bir qismi maddi sübut kimi götürülərək istintaqa təqdim edilib. Şəxsin digər cinayət əməllərində əlinin olub-olmadığı araşdırılır.