Bakının Binəqədi rayonunda mənzildə baş verən yanğında dünyasını dəyişən 11 yaşlı Firuzə Ələkbərovanın ölümü ilə bağlı təfərrüatlar ortaya çıxıb.
Oxu24.com xəbər verir ki, Xəzər TV-də yayımlanan "Səni axtarıram" verilişinə müraciət edən Firuzənin atası və əmisi şok iddialar səsləndiriblər. Qayını Vüsal bildirib ki, gəlinləri Zəminə ailəli olduğu halda başqa bir kişini evinə gətirirmiş. Qonşular bir gün həmin kişini tutub danışdırıblar. Eldəniz adlı kişi Zəminə ilə 6 ildir münasibətlərinin olduğunu deyib. Yəni əri evdə olmayanda Eldəniz onunla birlikdə yaşayırmış.
Aparıcı Xoşqədəm Hidayətqızı səsləndirilən iddiaların həqiqətə uyğun olub-olmadığına əmin olmaq üçün qarşı tərəfi də dinləməyə hazır olduğunu bildirib.
Qeyd edək ki, hadisə sentyabrın 29-da baş verib.
Bakı şəhərinin Binəqədi rayonunda ümumi sahəsi 30 m² olan birmərtəbəli 1 otaqlı evin yanar konstruksiyaları yanıb.
