Axşam saatlarında acı xəbər gəldi

İmişlidə motosiklet və minik maşını toqquşub.

APA TV-nin Mil-Muğan bürosunun məlumatına görə, hadisə İmişli-Cəfərli-Əliqulular yerli həmiyyətli avtomobil yolunun Cəfərli kəndi ərazisindən keçən hissəsində qeydə alınıb.

Motosikletlə "VAZ 2115" markalı avtomobilin toqquşması nəticəsində 2 nəfər dünyasını dəyişib, 1 nəfər xəsarət alıb. Motosikletdə olan sərnişin Əliqulular kənd sakini, 1989-cu il təvəllüdlü Şiraslanov Kamil Zülfü oğlu hadisə yerində, digəri - Əliqulular kənd sakini, motosikletin sürücüsü 1987-ci il təvəllüdlü Şiraslanov Zamin Bəhlul oğlu Şirvan xəstəxanasında dünyasını dəyişib. Bir nəfər - 2007-ci il təvəllüdlü Musayev Elbay Xasay oğlu isə yüngül xəsarət alıb.

Faktla bağlı araşdırma aparılır.