Arvadını qantellə öldürüb Şəkiyə qaçdı

Bakıda qətl hadisəsi törədilib.



APA TV-nin xəbərinə görə, hadisə oktyabrın 8-də paytaxtın Nizami rayonu ərazisində - Məmməd Şərifli küçəsi 82a, mənzil 25-də qeydə alınıb.



Həmin ünvanda yaşayan 1980-ci il təvəllüdlü İlham Əkbərov həyat yoldaşı, 1983-cü il təvəllüdlü Cəvahir Əkbərovanı qantel vasitəsilə qətlə yetirib.



Qətl törətdikdən sonra hadisə yerini tərk edən İlham Əkbərov Şəki rayonuna qaçıb. Nizami və Şəki rayon Polis şöbələri əməkdaşlarının birgə həyata keçirdiyi əməliyyat-axtarış tədbirləri nəticəsində İham Əkbərov saxlanılıb.



Saxlanılan şəxs hadisəni namus üstündə törətdiyini bildirib.

Qonşuların bildirdiyinə görə, hadisə 9 və 15 yaşlı övladların gözü qarşısında baş verib: “Biz o qadından heç bir şey görməmişik. O qadından heç nə görməmişik. Çox qeyrətli qızıydı. Əlləri yanıq mərasim evində işləyirdi. Döşək və yorğan yuyurdu. O, qeyrətli kişi olsaydı, gəlib arvadını evdə otuzdurardı və o sözü də deməzdi”.



- Versiya olaraq nə deyir?



- Guya pis yola düşübsən.



- Öldürəndə uşaqlar yanında olub?



Hə, yanında olub.



Məlumata görə, Cəvahir Əkbərova İlham Əkbərovun ikinci həyat yoldaşıdır.



Faktla bağlı cinayət işi başlanıb, istintaq gedir.