Braziliyada infarkt keçirən 37 yaşlı Rosangela Almeida dos Santos adlı qadının öldüyünü zənn edən yaxınları onu ənənəyə uyğun olaraq dəfn ediblər. Qəbiristanlığın yaxınlığından keçən şəxslər məzardan səs eşitdikləri üçün bu barədə ölü yiyəsinə məlumat veriblər. 11 gün sonra məzarı açılan qadının bədəninin isti olduğu, dırnaqlarının qırıldığı, ayaqlarında qançır yerləri aşkar edilib. Tibbi-ekspertiza qadının dəfn ediləndən çox sonra öldüyü qənaətinə gəlib. Qadının öldüyü barədə ilkin rəy verən həkimlə bağlı istintaq araşdırması aparılır.
