Qriqoryan: Şoyqu zəng etdi və döyüş dayandı...

  • 09.02.2021
  • 552 baxış
  • 0

Erməni politoloqlar nəhayət ki, 5 ilə yaxın vaxt keçdikdən sonra Aprel savaşı ilə bağlı bəzi faktları boynuna alır. Axar.az xəbər verir ki, erməni siyasi şərhçi Qalust Qriqoryan Aprel müharibəsi zamanı Ermənistanın agır itkilər verməsi və Bakının hərbi əməliyyatı dayandırması üçün İrəvanın Kremlə yalvarmasından danışıb. “O zaman Ermənistanın imdadına Serqey Şoyqu gəldi. Onun Bakıya zəngi döyüşləri dayandırdı. Azərbaycana vədlər verildi. Bu 44 günlük müharibədə isə Bakını artıq heç kim saxlaya bilməzdi. Açığı desək, heç Bakını saxlamaq istəyən də yox idi. Bir şey ki, Putin, Lavrov və Şoyqu bir ağızdan bu torpaqların Azərbaycanın tərkib hissəsi olduğunu dedilər. İndi isə Rusiyanın Ermənistandakı səfiri Serqey Kopırkin sonuncu müsahibəsində erməni cəmiyyətinə “Kömək edə bilmirik, amma siz möhkəm olun” deyir”, - deyə ekspert qeyd edib. Onun sözlərinə görə, erməni xalqı artıq dostu ilə düşmənini tanımaq məcburiyyətində qalıb. “Rusiya yalnız vərəq üzərində bizim dostumuz və müttəfiqimiz ola bilər. Onlar bizə kömək etməyəcək. Attıq bunu anlamağın vaxtı çatdı. Hazırki durumda Ermənistana ən sərf edən ssenari Rusiyada hakimiyyətin dəyişməsi ola bilər. Ona görə də İrəvan və erməni xalqı Navalnı kimiləri dəstəkləməlidir”, - deyə Qriqoryan qeyd edib.

Nə düşünürsən?