"Gelenbe” seysmik xətti 7 bal gücündə zəlzələ törədəcək potensialdadır.
BunuTürkiyə Dokuz Eylül Universitetinin Zəlzələləri Araşdırma Mərkəzi müdiri professor Həsən Özbilir deyib.
Onun sözlərinə görə, Manisa və Aralıq dənizində son dövrlərdə meydana gələn zəlzələlər seysmik xətləri qırır: "Manisada 5,4 bal gücündəki zəlzələdən sonra avterşokların sayı 2 mini keçib. O bölgədə bir-birilə bağlı 3 seysmik xətt var. Əsas sarsıntı bu 3 seysmik xəttin çox yaxınlığında oldu. Əvvəlcə "Soma-Qırxağac” xətti qırılmağa başladı. Daha sonra qırılmalar "Akhisar” və "Gelenbe” xətlərində oldu. 3 xəttin ortasında zəlzələ meydana gəldiyi üçün gözləniləndən daha çox sarsıntı oldu. Hazırda 3 xətt birdən qırılır. Zəlzələnin aktivliyi 3-ə bölündüyü üçün enerjisi də 3-ə bölünə bilər. Lakin enerjinin 3-dən 1-nə göndərilməsi 7 bal gücündə zəlzələ yarada bilər. Hazırda zəlzələlər "Gelenbe” xəttinin cənubunda baş verir”.
Qeyd edək ki, ötən gün Manisada 5 bal gücündə zəlzələ olub./publika.az
