Kürdəmir rayonunda yol qəzası baş verib.
"Report"un Yuxarı Şirvan bürosu xəbər verir ki, hadisə rayonun Bakı prospektində qeydə alınıb.
Belə ki, 1970-ci il təvəllüdlü Heydərov Elxan Ağəli oğlunun iadər etdiyi "VAZ-21015" markalı avtomobil hərəkətdə olarkən əks istiqamətdə hərəkətdə olan 1986-cı il təvəllüdlü Alıyev Eldar Niyazı oğlunun idarə etdiyi "VAZ-21010" markalı maşınla toqquşub.
Nəticədə "015" markalı avtomobildə olan Gəncə şəhər sakini, 1984-cü il təvəllüdlü Bayramova Ramilə Nəriman qızı müxtəlif dərəcəli bədən xəsarətləri alıb.
Yaralı sərnişin Kürdəmir Rayon Mərkəzi Xəstəxanasına yerləşdirilib.
Faktla bağlı araşdırma aparılır.